Оғир ижтимоий вазиятга тушиб қолган хотин-қизларга, ногиронлиги бўлган, кам таъминланган, фарзандларини тўлиқсиз оилада тарбиялаётган ва уй-жой шароитини яхшилашга муҳтож оналарга арзон уй-жойлар бериш тартиби тўғрисидаги низомни тасдиқлаш ҳақидаги Ҳукумат қарорига ўзгартириш ва қўшимчалар киритилди. Бу ҳақда "Ҳуқуқий ахборот" канали хабар қилди.
Киритилган қўшимчаларга мувофиқ, эндиликда қуйидаги уй-жойлар ҳам муҳтож хотин-қизларга имтиёзли кредит асосида ажратилади:
0,02 гектарли 3 хонали арзон уйлар қурилмаган туманларда уларнинг ўрнига кўп қаватли уйлардаги хонадонлардан (2-3 хонали);
кўп қаватли уйлар қурилмаган туманларда уларнинг ўрнига 0,02 гектарли 3 хонали арзон уйлар.
