Мутахассислар Тошкент метросининг уч йўналишини ўзайтиришни таклиф этишди. Бундан кўзланган мақсад жамоат транспортининг аҳолига фойдасини ошириш ва ер ости транспортидан фойдаланишни кўпайтириш. Бу ҳақда EVERYDAY.UZ мухбири Подробно.уз ахборотига таяниб хабар қилди.
Маълум бўлишича, Президент Шавкат Мирзиёевга пойтахт метрополитенини ривожлантириш лойиҳаси тақдим этилган.
Хусусан, давлат раҳбарига учта йўналишни узайтириш - "Беруни" метро бекатидан Қорақамишгача (иккита янги станция), "Буюк ипак йўли"дан Трактор заводигача (учта станция) ва "Мингўрик"дан Отчопаргача (7 та станция) қуриш лойиҳаси тақдим этилган.
Президент ўз навбатида мана шу йўналишларда йўловчиларнинг ҳажмини синчковлик билан ўрганиб, натижаси бўйича ҳисобот беришни топширган.
