Сайёр қабул: мурожаатларга ижобий ечим топиш механизми

16-07-2019, 17:11
Жамият
Сайёр қабул: мурожаатларга ижобий ечим топиш механизми
Мамлакатимизда инсон манфаатлари олий қадрият даражасига кўтарилди. Бугун барча давлат идоралари фаолиятида аҳолининг мурожаатлари билан ишлаш бўйича сифат жиҳатидан мутлақо янги тизим яратилди. Жойларда ўтаётган сайёр қабуллар халқнинг дардини эшитиш, уларнинг муаммоларини ҳал этишда, шак-шубҳасиз, кутилган натижаларни бермоқда.

Зеро, Давлатимиз раҳбари таъкидлаганидек, халқ давлат органларига эмас, балки давлат органлари халқимизга хизмат қилиши керак.
Шу маънода, Навоий вилояти ҳокими К.Турсунов Хатирчи тумани марказидаги истироҳат боғида фуқаролар билан навбатдаги сайёр қабулини ўтказди.

Тадбирда вилоят Халқ қабулхонаси раҳбари, сектор раҳбарлари, вилоят корхона, ташкилот, муассаса ва ҳуқуқни муҳофаза қилувчи органлар раҳбарлари иштирок этди. Сайёр қабулда аҳолининг мурожаатлари атрофлича ўрганиб чиқилди.

Таҳлиллар шуни кўрсатмоқдаки, жорий йилнинг биринчи ярим йиллигида фуқаролардан тушган мурожаатларнинг қарийб 40 фоизи жойида ҳал этилмоқда. Шу сабабли Хатирчи тумани аҳолисидан ташқари, қўшни ҳудудлардан ҳам фуқаролар ўз муаммоларига жавоб топиш учун сайёр қабулга келишди.

Бугунги кунда халқ билан учрашиб, жойларга чиқиб уларнинг дардига қулоқ тутиш, шу орқали аҳолининг розилигига эришиш ҳар бир раҳбарнинг бош вазифасига айланди. Бу галги сайёр қабулда 37 нафар фуқаро томонидан 51 та масалани ўртага ташланди. Ушбу мурожаатлардан 17 таси жойида ҳал этилди. 14 таси бўйича ҳуқуқий тушунтириш берилди. 20 таси масалани ҳал этиш учун ўрганиш жараёнида.

– Бугунги сайёр қабул жуда яхши ташкил этилибди. Одамлар ўз муаммосини раҳбариятга етказишдан ташқари, давлат хизматлари марказининг мобил автобусида масалаларини ечишмоқда. Мен ҳам ўз мурожаатим асосида шу ернинг ўзида ташкил этилган меҳнат ярмаркаси орқали ишга жойлашдим. Самарқанд тиббиёт институтининг магистратура йўналишини яқинда тугатиб диплом олгандим, эндиликда туман тиббиёт бирлашмасида ўз мутахассислигим бўйича фаолиятимни бошлайман, – дейди хатирчилик Санжар Раҳимов.

– Ўтган сайёр қабулда вилоят ҳокимига мурожаат қилиб, банк кредити олишда қийналаётганимни билдирган эдим. Шундан сўнг менинг масалам банк мутасаддилари томонидан ҳал этилди. Мен ажратилган 8 фоизлик кредит маблағларига тикув машинкалари сотиб олдим. Натижада икки келинимнинг ҳам бандлиги таъминланди. Бугун вилоят ҳокимига ўз миннатдорчилигимни билдиришга келдим, – дейди Хатирчи тумани “Навбаҳор” маҳалласида истиқомат қилаётган фуқаро Адолат Ҳолиқова.

Хатирчи тумани аҳолисининг кўплиги, ҳудуднинг ўзига хослиги, суғориладиган, лалми, дашт ва тоғлик жойлардан иборат эканлиги билан вилоятда бошқа туманлардан ажралиб туради. Шу сабабли аҳоли мурожаатларининг қамрови, мазмуни ва хусусияти анча фарқланади. Эндиликда шахсий муаммолардан кўра, жамоавий, ижтимоий ҳамда тадбиркорлик билан боғлиқ мурожаатлар сони ортиб бормоқда. Бу, аввало, шундан далолат берадики, одамларимизнинг руҳияти ҳамда дунёқараши, ҳаётга, ўз меҳнатининг натижасига муносабати ўзгараётганидан далолатдир.

– Бизнинг қишлоғимизда собиқ иттифоқ давридан қолган трансформатор шу пайтгача ишлатиб келинарди. Йил сайин аҳоли сони кўпайиб бормоқда, кучланиш ҳам ортаяпти. Шу сабабли яқинда трансформатор бутунлай ишдан чиқди. Йўлларимиз ҳам таъмирланмаган эди. Бугунги қабулдан сўнг шу икки масаламиз ҳам ижобий ечиладиган бўлди. Вилоят ҳокими мутасадди раҳбарларга уч кун муддат ичида вазиятни ўрганиб, масалани ҳал этиш бўйича кўрсатма бердилар. Биз бундан жуда миннатдормиз, – дейди Хатирчи тумани “Олмазор” маҳалласида яшовчи фуқаро Нормамат Ботиров.

Шу куни Давлат хизматлари агентлигининг мобил автобуси аҳолига ўз хизматларини кўрсатди. Шу жойнинг ўзида меҳнат ярмаркаси, китоблар кўргазмаси ташкил этилди. Банклар ўз хизмат турларини аҳолига тақдимот қилишди.

Зеро, халқ билан мулоқот, уларнинг дарду ташвиши билан яшаш энг асосий мақсад бўлиб, унинг рўёби юртимиз равнақига, унинг янада гуллаб-яшнашига, фуқароларнинг тинч, осуда, фаровон ҳаёт кечиришларини таъминлашга хизмат қилиб келмоқда.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Видео: Тошкентда ҳайдовчи ЙПХ ходимини автомашинасида уриб юборди

Бугун, 18 октябрь куни Шайхонтоҳур туманидаги Абай ва А. Қодирий кўчалари кесишмасида ЙТҲ содир бўлди. 25 ёшли...
18-10-2019, 14:29

O'zLiDeP: "Миллий Тикланиш" бизга елимдек ёпишиб олган"

Спортда аниқроғи кўпчилик мухлисларга эга футболда нисбатан кучсиз, танилмаган бирор жамоа юлдуз футболчилар жамланган,...
17-10-2019, 10:17
/ Муҳокамалар +1

Жаҳонгир Отажановнинг лицензияси қайтарилди

Бугун 16 октябрь куни “Ўзбекконцерт” давлат муассасасида навбатдан ташқари йиғилиш ўтказилди. Унда хонанда Жаҳонгир...
16-10-2019, 16:40
/ Муҳокамалар +3

«У ерда провакаторлар бор эди» – Кабул Дусов вазиятга изоҳ берди

Бугун сайтимизда “Миллий тикланиш” депутати Яшнобод тумани аҳолиси билан жанжаллашиб қолгани ҳақида хабар берган эдик....
16-10-2019, 15:58
/ Муҳокамалар +1

Бугундан бошлаб фуқаролар "пропискасиз" ҳам исталган банкдан кредит олишлари мумкин

Ўзбекистонда кредит олиш тартибига ўзгартириш киритилди. Бу ҳақда ОАВда хабарлар тарқалди. Киритилган ўзгаришга мувофиқ...
16-10-2019, 14:41
/ Муҳокамалар +9