Тошкентда боди-камералар синовдан ўтказилмоқда. Бу ҳақда EVERYDAY.UZ мухбири хабар қилди.
Маълум бўлишича кеча, 22 июль санасидан пойтахт Тошкентда боди-камералар ЙПХ инспекторлари томонидан синовдан ўтказилган. Бундан кўзланган мақсад камчиликларни аниқлаш. Ушбу синов жараёнида аниқланган камчиликлар ишлаб чиқарувчи ташкилотга айтилади ва буларнинг олди олинади.
Бундай ҳолатда, яъни боди камера билан жиҳозланган инспектор ҳайдовчини камералар ишлаётгани билан огоҳлантиради. Шунингдек, камералар билан бирга инспекторлар устидаги жилетлар ҳам синовдан ўтказилмоқда.
Эслатиб ўтамиз, ЙПХ инспекторларини боди-камералар билан тўлиқ таъминлаш 2020 йил 1 январга қадар узайтирилган эди. Айнан ўша санадан бошлаб ҳайдовчи агар уни тўхтатган инспекторда камералар бўлмаган тақдирда ҳужжатларини тақдим этмаслик ҳуқуқига эга.
