Адлия вазири: Бу нима деган гап? Одамларни уйини бузиб, кўчага чиқариб қўйиб компенсация тўланмаслик, ахир бу вахшийликку

27-07-2019, 17:07
Жамият
Адлия вазири: Бу нима деган гап? Одамларни уйини бузиб, кўчага чиқариб қўйиб компенсация тўланмаслик, ахир бу вахшийликку
Айни дамда Адлия вазирлигининг навбатдаги кенгайтирилган ҳайъат мажлисида бўлиб ўтмоқда. Бу ҳақда "Халқ сўзи" хабар берди.

Мажлисда Адлия вазири Русланбек Давлетов бугунги куннинг энг долзарб масалаларидан бўлган жойларда уй-жойлар бузилишларига эътиборни қаратди. Бу масалани ҳар бир адлия органи ходими алоҳида устувор вазифа сифатида ўзига белгилаб олиши зарурлиги таъкидланди.

Адлия вазирининг сўзларига кўра, Адлия тизими бу муаммони кўлами бугунги кундагидей бўлишидан 3 ой олдин ўз таҳлилларини ва чораларини бошлаган эди. Хусусан, 2019 йилнинг май-июнь ойларида кўчмас мулк ҳуқуқини ҳимоя қилиш бўйича акцияси ўтказилди. Акция доирасида мурожаатларни кўриб чиқишда 874 та қонунбузилиш ҳолатлари аниқланди.

Натижада мулкдорларнинг манфаатларида 236 та тақдимнома, 100 та огоҳнома, судларга 360 та даъво аризалар киритилиб, 30,3 млрд сўм ундириб берилди. Бу натижалар албатта хамир учидан патир ёки денгиздан бир томчидек гап.

Русланбек Давлетов “Мулк даҳлсизлигини таъминламасдан иқтисодий ривожланган давлатнинг ўзи йўқ бутун дунёда. Бу эса бизнинг қонунларимизда битилган энг олий нормалардар биридир ва барча муносабатлар тўлалигича тартибга солинган. Лекин амалда, ушбу тартиб ва қоидалар мутасаддиларнинг эсидан чиқиб кетди. Натижада, уй-жой масаласида қонун устуворлигига жиддий путур етди.

Бу нима деган гап? Одамларни уйини бузиб, кўчага чиқариб қўйиб компенсация тўланмаслик, ахир бу вахшийликку. Бу ҳеч қандай қонунчиликка тўғри келмайди, бу ҳеч бир одамийлик тамойилига ҳам тўғри келмайди, бу Ўзбекистон тан олган халқаро ҳужжатларга ҳам тўғри келмайди!” дея ўз фикрларини билдирди. Ҳамда амалдаги холатлар бўйича сўзини қуйидагича давом эттирди:

“Ҳамма шаҳарлар янгидан қурилади, эскиси бузилади, ободонлашади, бу табиий жараён, барча жамиятларга хос бўлган ҳолат. Лекин, XXI асрда яшаётган цивилизацион жамият сифатида барча ҳаракатлар учун ҚОНУН энг асосий мезон бўлиши керак, одамлар ҳуқуқларини поймол қилиш эвазига, қонунни бузиш эвазига ҳеч қандай қурилиш ёки ободонлаштириш бўлиши мумкин эмас...

...Кейин яна битта жиҳатни эътиборга олинглар, гап фақат моддий бойлик бўлмиш иморатда эмас, уй-жой билан инсонларнинг шу уй билан боғлиқ хотиралари ҳам ўчирилади. Туғилиб ўсган жой, ёшликда ўйнаб кулиб юрган ҳовли, болаликдаги хотиралар, керак бўлса ҳар бир хонадоннинг ҳиди инсон учун қадрли, кўп уйлар авлоддан авлодга ўтиб келяпти, бу юксак шахсий номоддий бойлик ва инсон ҳаётидаги ажралмас хотиралардир”

Амалиётдаги муаммолардан, билдирилган фикр мулоҳазалардан келиб чиқиб Адлия вазири адлия органлари ходимлари олдида турган муҳим вазифалар алоҳида тўхталиб, қуйидагиларни билдирди:

– барча маҳаллий ҳокимликларни фуқароларни уй-жой билан боғлиқ қонуний ҳуқуқларини поймол этишларга чек қўйишларини талаб қиламиз;

– бутун адлия тизими раҳбарлари, мутасаддилари ва ходимларини ўз ваколатларидан тўлиқ фойдаланган ҳолда, уй-жойлар бузилиши жараёнида Ўзбекистон қонунларига амал қилиш юзасидан чоралар кўришларига чақираман.
ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Рустам 27 июл 2019 17:49
Бутун Узбекистан 28 йилдан бери шу ахволку
Расул 27 июл 2019 19:16
айникса туман хокимларининг хатти харакатлари интернет ва оммавий ахборот воситаларининг бош мавзуси булиб колди.олдин фалон жойдаги бошликни иккинчи жойга хоким килиб куйса яхши булиб колмайди хеч качон.нахотки оддий бир инсонни хоким тайинлаш шунчалик кийин булса.бу нарса давом этаверади худо хохласа

МУНОСАБАТ БИЛДИРИШ

Сўнгги янгиликлар

Президент: Ректорларда талаб йўқ, савия йўқ. Энг катта порахўрлик қаерда? Юридик, Молия, Иқтисодиёт университетларида

Айни дамда Президент Шавкат Мирзиёев бошчилигидаги таълим тизими, ўқитувчи ва мураббийларнинг мавқеини оширишга...
23-08-2019, 16:18

Ўзбекистоннинг коррупция рейтингидаги ўрни қониқарсиз эканига Бош прокурор ўринбосари муносабат билдирди

Бугун бўлиб ўтаётган Сенатнинг 21-ялпи мажлисида сенатор Улуғбек Сотиболдиев Ўзбекистоннинг коррупция рейтингидаги ўрни...
23-08-2019, 15:03

Сенат Раиси: “Шу вақт ичида амалга оширган ишларимиз ўтган 25 йил давомида қилинганидан ҳам ортиқ бўлди”

Сенатнинг ялпи мажлисида Сенат Раиси Танзила Норбоева маъруза қилгани ҳақида ёзган эдик. У ўз маърузасида...
23-08-2019, 14:07
/ Муҳокамалар +2

Сирдарё вилоят ҳокими: Биз иккинчи Америка бўламиз

Аҳолиси Ўзбекистоннинг турли ҳудудларидан келиб қўним топган Сирдарё вилояти Америкага қиёсланди. Бу ҳақда 22 август...
23-08-2019, 11:41
/ Муҳокамалар +5

«Сиз шунчалар буюк инсон» – Хонанда Санжай Алишер Усмоновга атаб қўшиқ куйлади (+ВИДЕО)

Хонанда Санжай миллиардер Алишер Усмоновга атаб қўшиқ куйлади. У куйлаган қўшиғига қуйидагича изоҳ қолдирди (имло...
23-08-2019, 11:13
/ Муҳокамалар +8