Манбанинг хабар қилишича Москва ҳукуматининг махсус комиссияси хулосасига кўра Марказий маъмурий округда жойлашган Ислом Каримов хиёбони 2018 йилда Россия пойтахтида инвестор ҳисобидан амалга оширилган энг яхши ободонлаштириш лойиҳаси деб топилган. Москва мэри Сергей Собянин Каримов Фондига ободонлаштириш дастурларини амалга ошириш ва шинам шаҳар муҳитини яратишга қўшган ҳиссаси учун алоҳида миннатдорлик ёрлиғини топширган.
Эслатиб ўтамиз, жорий йил 18 октбярь куни Россия пойтахти Москвада Ўзбекистоннинг биринчи президенти Ислом Каримов ҳайкали очилган эди.
[]
