Адлия вазирлиги ташаббуси билан республика бўйича нотариал идоралар ходимлари сонини 665 нафарга кўпайтирди ва 69 та янги давлат нотариал идораси очилиши кўзда тутилмоқда.
Эндиликда ушбу янги таъсис этилган нотариус лавозимлари алоҳида танлов ўтказиш орқали малакали мутахассислар билан тўлдирилади.
2019 йил 1 январдан кучга кирадиган қонунчиликка киритилган ўзгаришга кўра, судья лавозимида 5 йил ёки нотариус ёрдамчиси лавозимида 3 йил ишлаган шахсларга нотариал идорада стажировка ўташ талаб қилинмайди.
Маълумот учун, бугунги кунда нотариуслар ойлик лавозим маошлари (барча устамалар ва пуллик хизматлардан келиб тушадиган даромадлар билан ҳисоблаганда, солиқлар тўлангандан сўнг) 4 млн. сўмни ташкил этмоқда. Хусусан, Тошкент шаҳрида 6 млн. сўмни, Самарқанд вилоятида 4 млн. сўмни, Фарғона вилоятида 4,5 млн. сўмга тенг.
Ушбу ойлик маош миқдори нотариал идора томонидан кўрсатилган хизматлар ҳажмида келиб чиқиб янада кўпроқ бўлиши ҳам мумкин. Бу эса коррупциянинг олдини олишда ҳам муҳимдир.
