Фарғонадаги мактабда ўқувчилардан пул йиғилиб, бермаганларни ўқитувчилар ҳақоратлаши маълум бўлди

30-11-2018, 15:19
Жамият
Фарғонадаги мактабда ўқувчилардан пул йиғилиб, бермаганларни ўқитувчилар ҳақоратлаши маълум бўлди
Фарғона вилоятининг Бувайда туманидаги 3-мактабда синф раҳбарлари ва фан ўқитувчилари ўқувчилардан турли нарсаларга пул йиғиб олади, бермаганларни ҳақоратлайди, калтаклайди, дея хабар қилмоқда Turon24.

Бу ҳақда жабрланган ўқувчилар ва уларнинг ота-оналари айтди (уларнинг исм-фамилиялари ўзларининг хоҳишига кўра эълон қилинмаяпти).

“Обунага 12 минг сўм олиб келиб беришим керак эди. Аммо уйда пул йўқлиги учун олиб кела олмадим, – деди ўқувчилардан бири. – Шунда ўқитувчимиз доскага бошимни уриб, мени “Эшакнинг боласи! Ҳайвон!” деб ҳақорат қилди. Мен эса “Мени ҳақорат қилманг, менинг ота-онам эшак эмас”, – деб йиғладим. Ўқитувчимиз доим бизни уради, сўкади”.

Болаларни урган 7-“В” синф раҳбари ўқувчиларни жуда яхши кўришини айтди.

“Технология фанидан дарс бераман, – деди синф раҳбари. – Доимо ўқувчиларимга салатлар, пишириқлар пишириб бераман. Мактабдаги йиғ-йиғларда ўқувчиларнинг баъзилари пул олиб келмайди. Мактаб директори ва директор ўринбосарлари мендан вақтида пул йиғиб беришимни сўрайди. Болалар пулни вақтида олиб келмайди, шунда қаттиқ гапирвораман. Мана, яқинда ҳам парталар устидаги ёпқичлар янги ва бир хил бўлсин деб талаб қилишди. Мен ўз пулимга мато олиб келиб, тикувчига тиктирдим. Тикиш пулини ҳам ўз чўнтагимдан тўладим. Бир ўқувчим ўша парта ёпқичнинг пулини бермади. Ҳозир обунага ҳам шунақа талаб қўйилаяпти”.

Иккита синфда ўқувчилардан ўқитувчиларнинг муносабати ҳақида сўралди. Ўқувчилар мактабда она тили ва адабиёт фани муаллимларидан ташқари барча ўқитувчилар болаларни таҳқирлашини айтди.

“Мени ҳам инглиз тили ўқитувчимиз ўтган ҳафта урди, – деди 7-синф ўқувчиларидан бири. – Ҳозиргача менга умуман гапирмаяпти. Уй вазифаларини ҳам сўрамаяпти”.

Ўқувчилар ўқитувчиси ураётгани ҳақида мактаб директорига бир неча марта айтган. Аммо директор уч йилдан буён синф раҳбарини ўзгартирмаган.

“Мактабимизда 1330 ўқувчи ўқийди. Уларга 99 нафар педагог дарс беради, – деди мактаб директори Раънохон Асқарова. – 48 нафар синф раҳбари бор. Синфга раҳбарлик қилиш истагида бўлган ўқитувчилар суҳбат орқали тайинланади”.

Ота-оналардан бири исми очиқланмаслик шарти билан фарзандини уришаётганини тасдиқлади.

“Ўғлимни синф раҳбари, ўқитувчилар доим уриб, ҳақорат қилар экан. Аммо у буни бизга айтмасди, – деди. – Октябрь ойининг ўрталарида ўғлим яна мактабдан йиғлаб келди. Сабабини сўрасам, уни синф раҳбари ҳамма синфдошларининг олдида камситиб, урганини айтди”.

Мактабда муаммо фақат бу эмас.

Директорнинг айтишича, куз-қиш мавсуми учун таълим муассасасида 34 тонна кўмир захираси бўлиши керак. Бугунгача 6 тонна қора кўмир, 10 тонна брикет келтирилган, холос. 4 та қозонхона 24 та хонани иситади. Яна 6 та қозон ўрнатилаяпти.

Ҳозир ўқувчилар совуқ синфхоналарда билим олмоқда.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Қашқадарёда қиз икки эркакнинг "шантаж"ига чидай олмай ўзини ўлдирди

Қашқадарёда икки эркак бир қизнинг ўз жонига қасд қилишига сабабчи бўлди. Бу ҳақда "Дарё" хабар қилди. Маълум бўлишича,...
Бугун, 10:21

Тошкент вилоятидаги колонияда маҳкум бошқа бир маҳкумни 2000 долларга "ухлатди"

Тошкент вилоятидаги колонияда маҳкум фирибгарлик қилди. Маълум бўлишича, 43-сонли манзил колониясида маҳкум Б.Р. бошқа...
Кеча, 11:12

Алишер Қодиров Ўзбекистон парламенти конституцияга зид қонунлар қабул қилганини тан олди (+ВИДЕО)

Аввалроқ сайтимизда барча партия раҳбарлари ва блогер ҳамда журналистлар ўртасида мулоқот бўлиб ўтгани ҳақида хабар...
Кеча, 09:33
/ Муҳокамалар +1

O‘zLiDeP «буюртмаси» асосида ишлаб чиқарилган

Ёлғоннинг умри қисқа, дейишади. Аммо харидорга отнинг калласидек чегирмалар ваъда қилган дўконлардаги тўполонлар пайти...
20-11-2019, 15:22
/ Муҳокамалар +3

Ўзбекистонлик аёл Петербург метросидаги теракт сабаб 20 йилга қамалиши мумкин

Ўзбекистон фуқароси Шохиста Каримова Петербург метросидаги теракт сабаб 20 йилга қамалиши мумкин. Иш судда кўрилмоқда....
20-11-2019, 15:07