Каратин сабаб жарима тўлаш муддати ўтиб кетганлар қандай йўл тутишига ойдинлик киритилди.
Бугун бўлиб ўтган брифингда Адлия вазирлиги бошқарма бошлиғи Ғайбулло Примов тезликни оширгани учун 1 млн 115 минг сўм жарима тўлаши керак бўлган, лекин 10 кундан бери карантин сабаб тўлай олмаётган фуқаронинг саволига жавоб берди. Фуқаронинг айтишича, бугун жарима тўлаш мумкин бўлган оҳирги кун экан.
"Куни кеча Президентимиз томонидан "Коронавирус пандемияси даврида аҳоли, иқтисодиёт тармоқлари ва тадбиркорлик субъектларини қўллаб-қувватлашга доир қўшимча чора-тадбирлар тўғрисида" Фармон имзоланди.
Мазкур Фармонга кўра, карантинга олинган шахсларга нисбатан қўлланилган маъмурий жарималарни (карантин қоидаларини бузганлик учун жавобгарлик бундан мустасно) тўлаш муддатлари КАРАНТИН МУДДАТИ ТУГАГУНГА ҚАДАР УЗАЙТИРИЛАДИ", - дейди Адлия вазирлиги вакили.