Тармоқларда Фарғона вилояти ҳокими Шуҳрат Ғаниевга тегишли экани айтилаётган аудио тарқалди. Унда вилоятнинг Сўҳ тумани ҳақида гапирилган.
Ҳокимга тегишли экани айтилган аудиода Сўхни харитадан ўчириб юбориш билан таҳдид қилинган. Шунингдек, Сўхликлар ношукур халқ деб мақола тайёр тургани, йиғилганларга ушбу мақола чиқсинми деб мурожаат этилганини эшитиш мумкин.
“Ёки 74 йигитни қаматайми? Ҳарбийлардан берасилар эртага, 74 та одамни Фарғонага олиб бориб қамайди...”, – дейилади аудиода.
Катта эҳтимол билан ушбу гаплар Фарғонанинг Сўх туманидан содир бўлган воқеадан сўнг бўлиб ўтган йиғилишда айтилган. Эслатиб ўтамиз, аввалроқ ушбу туман ҳудудида Қирғизистон ҳамда Ўзбекистон фуқаролари ўртасида жанжал келиб чиққан. Шундан сўнг Бош вазир Абдулла Арипов воқеа жойига етиб бориб, қўшни давлат расмийлари билан учрашган.