Мазкур автобуслар турл хил қулайликларга эга. Жумладан, шаҳар ички йўналишларига мўлжалланган ушбу автобус полининг пастлиги ҳамда йўловчиларни олиш ва туширишда шассининг пасайиши, яъни “книлинг” тизимининг мавжудлиги, имконияти чекланган йўловчиларга қўшимча қулайликлар яратилгани, кондиционер ўрнатилгани ва бошқа шу каби имкониятлари билан ажралиб туради. Автобуснинг умумий йўловчи сиғими 56 кишини ташкил этиб, 25 ўриндиқ ўрнатилган. “Evro-4” экологик стандартига жавоб берадиган ISUZU двигатели ўрнатилган.
Самарқанд автомобиль заводи ва “Тошшаҳартрансхизмат” акциядорлик жамияти ўртасида тузилган шартномага кўра, жорий йилда завод пойтахт аҳолиси ва меҳмонларига хизмат кўрсатиш учун 80 та ана шундай замонавий автобусларни етказиб беришни режалаштирилган. 2019 йилда эса яна 200 та SAZ LE60 автобуслари пойтахт кўчаларида ҳаракатлана бошлайди.
Эътиборли жиҳати мазкур автобуслар Россия, Қозоғистон, Грузия давлатларига буюртма асосида етказиб берилмоқда.
