Ўзбекистонликлар Instagram фаолиятидаги узилишлар юзасидан шикоят қилишмоқда. Бу ҳақда Репост хабар қилди.
Ўзбекистон, Россия, АҚШ ва Германиядаги Instagram фойдаланувчилари мобил дастурнинг фаолиятидаги узилишлар юзасидан шикоят қилишмоқда. Downdetector сервисининг маълумотига кўра асосан шикоятлар АҚШ ва Буюк Британиядаги фойдаланувчилар томонидан бўлмоқда.
Фойдаланувчиларнинг 45 фоизи хабарлар лентасининг янгиланмаётгани, 37 фоизи "сториз"нинг очилмаётгани ва 16 фоизи пост жойлай олмаётгани юзасидан шикоят қилмоқда.
Маълумотларга кўра, Ўзбекистон ҳудудида ушбу ижтимоий тармоқ фаолиятида узилишлар 27 июлдан кузатилмоқда.
Аввалроқ Ўзбекистонда Facebook ижтимоий тармоғида узилишлар бўлаётгани ҳам айтилган эди. Ўзбекистонда ушбу тармоқ фаолиятидаги узилишлар июль ойи бошидан бери кузатилмоқда. Шу ўринда, фойдаланувчилар VPN орқали уланганда сервис ишлаётганини маълум қилмоқда.