Ўзбекистонлик олимлар коронавирусга қарши вакцина устида ишламоқда. Бу ҳақда ССВ хабар қилди.
Вазирликнинг маълум қилишича, олимлар мамлакатдаги фармацевтик компаниялар билан ҳамкорликда ушбу масала устида бош қотирмоқда. Вазирлик мамлакатнинг ўз вакцинаси бўлиши импортга боғланиб қолмасликка ёрдам беради, дея ҳисобламоқда.
ССВ шунингдек, ишлаб чиқарилган вакцина қўшни мамлакатларга ҳам экспорт қилинишини маълум қилди. Эслатиб ўтамиз, аввалроқ Нурмат Отабеков мамлакатимиз вакцина ишлаб чиқариш билан шуғулланмаётганини айтган эди. Бош санитар врач Ўзбекистон ЖССТ томонидан тавсия қилинган вакциналар билан шуғулланишини маълум қилган эди.