Самарқанд вилояти Пахтачи туманида аҳоли электр энергияси йўқлиги учун йўлнинг қатнов қисмини тўсиб қўйди. Бу ҳақда вилоят ИИБ хабар қилди.
Маълум бўлишича, ҳодиса кеча, 5 апрель куни “Сарой” маҳалласида рўй берган. 15-20 кишидан иборат гуруҳ трансформатор бузилганлиги учун, ўз норозилигини билдириб, маҳалла ҳудудидан ўтувчи йўлнинг қатнов қисмини ёпишга ҳаракат қилган.
Ушбу ҳодиса жойига ҳуқуқ тартибот органлари ходимлари етиб борган ва аҳолини уйига тарқатиб юборган. Айни вақтда трансформатор ўрнатилаётгани таъкидланди.
