Кеча, 6 апрель куни тармоқларда бир гуруҳ фуқаролар қўй подасини Нуробод туман ҳокимияти биносига ҳайдаб келгани акс этган видео тарқалди. Видео телеграм каналларда эълон қилинди.
Мавжуд маълумотларга кўра, аҳоли ҳокимиятдан пода учун яйлов сўраган. Таъкидланишича, аҳоли муаммоси ҳокимият томонидан олиб борилган суриштирув ишларидан сўнг ҳал қилинган.
Маълум бўлишича, фуқаролар фермерлик хўжалиги билан қўйни боқиш бўйича тузилган шартномадан сўнг яйловсиз қолган. Фермерлик хўжалиги эса ерларда қўйларни боқиш учун рухсат бермаган. Натижада можаро юзага келган ва аҳоли ҳокимият биноси олдида йиғилган. Ушбу ҳодисадан сўнг фермерлик хўжалиги билан шартнома узилган.
