Аввалроқ Андижон вилоятида аёллар ҳоким қабулига кира олмагач йўлни тўсгани ҳақида ёзган эдик.
Хабар тарқалгач вилоят ҳокимлиги раҳбарнинг қабул графигига ўзгартириш киритилганини маълум қилган. Таъкидланишича, аёллар ушбу ўзгаришдан бехабар бўлган. Ҳокимлик вакиллари эса уларни огоҳлантирган. Лекин шундай бўлсада аёллар қабулга кира олмагани учун йўлни тўсган.
Вилоят ҳуқуқ тартибот органларининг маълумот беришича, ушбу ҳаракатда қатнашган 11 нафар аёлга 8-15 сутка маъмурий қамоқ жазоси, 6 нафар аёлга эса 1 млн 715 минг сўм жарима тайинланган.
