Хабарингиз бор Россияда локдаун эълон қилинди. Шундан келиб чиқиб аҳоли орасида Ўзбекистонда ҳам шундай локдаун бўлиши мумкин деган хабарлар тарқалди.
Маълум бўлишича, 23 октябрь куни матбуот анжуманида Санитария-эпидемиологик осойишталик ва жамоат саломатлиги хизмати бошлиғи Баҳодир Юсупалиев ушбу хабарларга муносабат билдирди.
Юсупалиев юртимизда локдаун ҳақида ҳеч қандай гап-сўз йўқлигини маълум қилди. Унинг сўзларига кўра, чегараларда назорат ҳар қачонгидан ҳам кучайтирилган ва 72 соатлик ПЦР тести топширилган ҳолдагина четдан кириш мумкинлиги таъкидланди. Тести бўлмаган фуқаролар учун ўша ерда экспресс-тест топшириш имконияти борлигини қўшимча қилди.
Юсупалиев оммавий эмланиш орқали ҳам локдаун ҳолатининг олдини олиш мумкинлигини таъкидлади.
