Ўзбекистонда алимент ундириши бўйича янги қонун лойиҳаси эълон қилинди. Бу ҳақда EVERYDAY.UZ мухбири хабар қилди.
Маълум бўлишича, қонун лойиҳасида ҳеч қандай узрли сабабларсиз алимент тўламаганлар машина бошқариш ҳуқуқидан маҳрум қилиниши мумкинлиги қайд этилган. Таъкидланишича, суд қарорига кўра алимент тўлови тўламаган, лекин етарли мол-мулк олиб қўйилган шахслардан, тирикчилиги фақат машина билан боғлиқ фуқаролардан, ногиронлардан, алиментни бўлиб-бўлиб тўлашга имкон берилганлардан, алиментни олдиндан тўлаганлардан ушбу ҳуқуқ олиб қўйилмайди.
Маълум қилинишича, суд қарорига кўра алимент сабаб машина ҳайдашдан маҳрум қилинганлар қарор бўйича шикоят қилиши ёки протест киритишлари мумкин. Шунингдек, қонун лойиҳасида бундай шахслар машина бошқарса ёки уларга машина бошқариш берилса БҲМнинг 5 баравари миқдорида жарима тайинланиши белгилаб қўйилган.
