Хабар қилганимиздек кеча давлатимиз раҳбари пойтахтнинг Шайхонтоҳур туманига бориб, фаоллар билан учрашди.
Учрашув давомида “Нуроний” жамғармасининг Тошкент шаҳар кенгаши раиси Рустам Калонов Президентга ТВда эфирга узатилаётган айрим кўрсатувлар ҳақида гапирган. Хусусан, Калонов ўз нутқида “Севимли” каналидаги “Маҳаллада дув-дув гап” ва “Зўр ТВ”даги “Ёр-ёр” кўрсатувларини кескин танқид қилган. Калонов ушбу дастурлар анъаналарга зид эканини айтган.
Президент ўз навбатида бош вазир Абдулла Ариповга ушбу масалани назоратга олишни буюрган. Таъкидлаш жоиз, “Маҳаллада дув-дув гап” кўрсатувида ўзбек оилаларидаги можаролар муҳокама қилинади. “Ёр-ёр” кўрсатувининг асосий мақсади дастур меҳмонларига иккинчи жуфтини топишга ёрдам беришдир.
