Ўзбекистоннинг айрим вилоят ва туманларида чангли бўрон ҳамда чанг ғуборлар кузатилиши мумкин. Бу ҳақда Ўзигдромет хабар қилди.
Маълум бўлишича, юртимизга 1-2 декабрь кунлари Туркманистон орқали Эрон ҳудудларидан жуда илиқ ва қуруқ ҳаво кириб келиши натижасида ҳаво ҳарорати кескин кўтарилиши кутилмоқда. Шунингдек, шу кунлари шамол тезлиги 17-22 м/с гача кучайиши, баъзи ҳудудларда эса тезлик 25-28 м/с гача етиши мумкин.
Шунинг натижасида мамлакатимизнинг айрим вилоят ва туманларида чангли бўрон ва чанг ғуборлар кузатилиши мумкин.