Тошкент шаҳар ҳокимлигига қора рангли Mercedes-Benz S500 HYBRID автомобили совға қилинди. Бу ҳақда EVERYDAY.UZ мухбири хабар қилди.
Маълум бўлишича, фуқаро Зиёда Латипова пойтахт ҳокимлигига ушбу автомобилни беғараз, текинга берган. Уни қабул қилиб олиш бўйича шаҳар ҳокимининг қарори қабул қилинган.
Қарорда штат жадвали асосида машинага ҳайдовчи бириктириш буюрилган. Таъкидланишича, Mercedes-Benz‘нинг мазкур модели 2014 йилдан бери ишлаб чиқарилади. Унинг нархи 223 минг евро атрофида.