Коронавируснинг янги “омикрон” штамми бутун дунёда кенг тарқалмоқда. Аввалроқ ушбу штамм Россия ҳудудида аниқлангани хабар қилинган эди. Кейинчалик Қозоғистон фуқаролар хавфсизлиги учун қатор чекловларни жорий қилди.
Ўзбекистонликлар ижтимоий тармоқларда “омикрон”нинг яқинлашиб келаётганидан хавотирда эканини билдирмоқда. Инновация вазирлиги Республика ҳудудига янги типдаги вируснинг кириб келиши мумкинлиги ҳақидаги саволларга жавоб берди.
Вазирлик “омикрон” ҳозирча Ўзбекистон ҳудудида аниқланмаганини таъкидлади. Вазирлик маълумотига кўра, ишлатиб келинаётган ПЦР-тестлар янги штаммни аниқлаш имкониятини беради. Ҳозирда “омикрон” тарқалган ҳудудларда бўлиб қайтган фуқаролардан тест олинмоқда. Тестлар касаллик аломатлари бор йўқлигига қармай олинаётгани таъкидланди.
