УЕФА Ижроия қўмитаси йиғилишида шундай қарор қабул қилинди.
Энди Россия жамоалари еврокубок турнирларида қатнаша олмайди.
Бундан ташқари, Россия эркаклар терма жамоаси Исландия, Албания ва Исроил билан тўқнаш келиши керак бўлган Миллатлар лигасида ҳам иштирок эта олмайди. Шунингдек, Россия терма жамоаси Миллатлар лигасида B дивизионидан кучсизроқ C дивизионига тушади.
Россия аёллар терма жамоаси Евро-2022га бормайди ва Португалия унинг ўрнини эгаллайди. Шунингдек, аёллар ЖЧ-2023 саралашида иштирок этмайди.
Россия ёшлар терма жамоаси Евро-2023да иштирок этишдан четлаштирилди, Россия терма жамоаси саралашда Испания билан турнир йўлланмаси учун курашган эди.
