Қатардан қизиқарли фактлар...

Қатардан қизиқарли фактлар...
Футбол бўйича жаҳон чемпионатининг очилиш ўйинини Қатар ва Эквадор жамоалари бошлаб беришди. Унда Жанубий америкаликлар 2:0 ғалаба қозонсаларда, ўйиннинг ёрқин ва эсда қоларли даражада ўтмаганини кўплаб футбол мутахассислари айтиб ўтишди.
Қатар футбол хабарлари таҳлили шуни кўрсатмоқдаки, жаҳон чемпионатининг илк ўйини ўзгача завқли, қизиқарли бўлмоғи лозим. Бунинг учун сўнгги тўрт жаҳон чемпионатининг энг яхши жамоалари – Италия, Испания, Германия, Франция иштирокидаги ўйинлар билан бошланса мақсадга мувофиқ бўларди.

Қолаверса, амалдаги чемпионнинг ҳурматини жойига қўйиш керакмиди, дейишади экспертлар. Мабодо у турнирда иштирок этмаётган бўлса, у тақдирда бошқа олдинги турнир финал қатнашчисини ўйинга чиқариш мумкин эди.

Турнирни бир пайтлар жаҳон чемпиони очарди. Охирги марта бу воқеа 2002 йилда Япония ва Жанубий Корея чемпионатида бўлган эди. Ўшанда жаҳон чемпиони Франция Сенегал билан учрашганди.

Мутахассислар ФИФА томонидан турнир очилишидаги биринчи ўйин жуфтлигини ўзгартириш вақт келди, деб ҳисоблашмоқда...

Жаҳон чемпионати тарихида турнир очилишида ўйнаган “мезбон давлат” ҳали рақибига мағлуб бўлмаган эди. Қатар жамоаси бу борада биринчи бўлди.

2006 йилдан бошлаб чемпионат ўтадиган давлат жамоаси турнирни очиб беради. Ўша йили Германия Коста-Рикини (4:2) мағлуб этганди, 2010 йилда Жанубий Африка Республикаси Мексика билан 1:1 ҳисобига келишгандилар, 2014 йилда Бразилия Хорватияни (3:1) ва 2018 йилда Россия Саудия Арабистонини (5:0) ютган эдилар.

1958 йилдан бери Уэльс жамоасига жаҳон чемпионатида қатнашиш насиб қилмаётган эди. Қатар турнирида Уэльснинг биринчи голини ҳужумчи Гарет Бэйл АҚШга урди. Яна бир қизиқ факт шундаки, 64 йил аввалги жаҳон чемпионатида сўнгги марта қатнашган Уэльс дарвозасига голни афсонавий Пеле киритган эди.

21 ноябрда учта матч бўлиб ўтди: Англия – Эрон (6:2), Сенегал – Нидерландия (0:2) ва АҚШ – Уэльс (1:1). Реферилар ўйинларни охирига етказиш ҳаммаси бўлиб 47 дақиқа қўшимча вақт белгиладилар. Илғорлик Англия ва Эрон матчида кўринди: судья биринчи тайм тугагач 14 дақиқа ва иккинчи таймдан кейин яна 10 дақиқа қўшиб берди. Шундай қилиб, жамоалар 117 дақиқа 16 сония майдонда бўлдилар.

ФИФА изоҳида тўпнинг майдонга ташқарига чиқиб кетиши, ўйинчиларнинг ҳаракатдан тўхтаб туриши каби барча аломатлар судьянинг иродаси билан қўшимча вақт билан белгиланади.

Англия ҳужумчиси Маркус Рашфорд Эрон билан ўйинда Букайо Сакунини 70 дақиқада алмаштиради. Майдонга тушгач, 49 сониядан кейин гол уришга муваффақ бўлди. Бу эса жаҳон чемпионатлари тарихида захирадан чиққан ўйинчининг тез гол киритган учинчи натижа этиб қайд этилди.

Эрон давлати телевидениеси мамлакат футбол жамоасининг Англия билан ўйини олдидан давлат мадҳиясини куйламаётгани учун жонли эфирни узишга мажбур бўлди. Ўйинчиларнинг бу ҳаракати Эрондаги бугунги вазиятга норозилик билдириш, деб баҳоланди. Эрон жамоасининг тарафдорлари ҳам Давлат мадҳиясини ҳуштакбозлик билан кутиб олдилар.

Бразилия жамоаси 24 ноябрь куни ўзининг биринчи ўйинини Сербия билан ўтказади. Жамоа Қатарда урилган ҳар бир голни “тантана” қилиш учун футболчилар ўнта рақс тайёрлаб келишгани ярим ҳимоячи Рафинья маълум қилди. “Голларимиз ўнтага етгач, кейин янгиларини ўйлаб топамиз”, деди у.

Ўхшаш янгиликлар

Мақола бўйича муносабатингизни билдиринг. Бизга Сизнинг фикрингиз жуда муҳим. Раҳмат!

Сўнгги янгиликлар

«Сирли одам» — Мурали Лал Жаланнинг Minerva City бўйича интервьюси баҳсларга сабаб бўлмоқда. Лал Жалан аслида ким?

Ҳиндистонлик инвестор Мурали Лал Жалан «Kun.uz»га берган интервьюсида Minerva City’га ер ажратишда ҳокимликлар амалдаги тартибни бузгани...
Бугун, 09:04

Эрон Исроилга қарши урушда нишонга оладиган объектлар рўйхати эълон қилинди

Эрон Ислом инқилоби қўриқчилари корпусига яқин бўлган оммавий ахборот воситалари келажакда Исроил билан урушда нишонга олиниши мумкин...
Бугун, 09:00

Мексикада 6 см думи бўлган чақалоқ туғилди

Мексиканинг Нуэво-Леон штатидаги касалхонада олти сантиметрлик дум билан соғлом бола дунёга келди. Бу ҳақда Daily Mail хабар берди. Маълум...
Бугун, 08:58

Навоийда кондаги портлашда экскаватор ҳайдовчиси вафот этди

Бундан ташқари, экскаватор кабинасида бўлган машинист ёрдамчиси бўйин ва ўнг қўл кафт соҳаси 1 ва 2-даражали куйиши тан-жароҳати олган....
Бугун, 08:54

Ўзбекистонликлар сайёҳлик йўналишида энг кўп қайси давлатларга чиққан?

2022 йилнинг 1 ноябрь ҳолатига 4,4 млн нафар Ўзбекистон Республикаси фуқаролари туристик мақсадларда хорижга сафар қилган. Давлат...
Бугун, 08:51
Ўзбекистон янгиликлари » Спорт » Қатардан қизиқарли фактлар...