Қашқадарё вилоятининг Яккабоғ туманида самбо спорт тури бўйича жаҳон чемпиони бўлган қиз ғалабасини марҳум отасига бағишлади. Бу ҳақда EVERYDAY.UZ мухбири хабар қилди.
Мушарраф Ибодуллаева Сербияда бўлиб ўтган мусобақада ғолибликни қўлга киритди. У 48 кг вазн тоифасидаги спортчилар орасида ғолиб бўлди.
Қиз ғалабасини марҳум отасига бағишлади. Айнан унинг отаси спорт билан шуғулланишга туртки бўлган. Туман ҳокими қизга совға-саломлар улашди. Туман аҳолиси уни катта байрам билан кутиб олди. Шунингдек, бугун давлатимиз раҳбари вилоятда ёшлар билан учрашуви давомида чемпионнинг грант асосида ўқишга қабул қилинганини маълум қилди.