Кеча, 29 октябрь куни “Реал” Хулен Лопетегини истеъфога чиқарди. Ушбу вазиятдан сўнг Хулен Лопетегининг отаси Жозе Антонио ўғлининг муваффақиятсизликларига клуб раҳбариятини айбдор деб ҳисоблайди. Унинг айтишича, ёзда «Ювентус»га ўтган Криштиану Роналдунинг ўрнига бошқа футболчи олиб келинмагани шундай таназзулга, якунда эса Лопетегининг истеъфосига олиб келган.
«Криштиану Роналду яхши ўйнаётганди. У димоғдор эди? Ҳаммамизнинг ҳам камчилигимиз бор, аммо у ҳар мавсум мавсум элликталаб гол урарди. Улар [«Реал» раҳбарлари] унинг ўрнига умуман, бирорта ҳам ўйинчи сотиб олгани йўқ.
Неймар ва бошқалар ҳақида гап-сўзлар бўлди, аммо ҳеч ким келгани йўқ. Улар ўғлимдан 50 та голни ўғирлашди!
Хулен ўзида бор имкониятдан фойдаланишга мажбур бўлди. Нотўғри тушунманг, лекин у қўл остидаги ўйинчилардан мамнун эди. У доимо: «Жуда ажойиб шогирдларим бор, улар ўзларида бор барча нарсани менга бера олишади», деб айтарди. У ўйинчиларни айбламасди.
Аммо жамоада ўзига хос хислатга эга футболчи йўқ эди. Аниқроғи, у жамоадан кетган эди», - дея хабар қилди Tribuna.uz.