Туркистон вилоятида Сардоба сув омборининг ўпирилиши натижасида эвакуация қилинганлар сони ошди. Бу ҳақда вилоят ҳокимияти хабар қилди.
Бугунги кунда вилоятда 31 606 нафар фуқаро эвакуация қилинди. Улар хавфсиз жойларда қолмоқда ва Қозоғистон ҳукуматидан зарур ёрдамларни олаётгани маълум қилинди.
Мавжуд маълумотларга кўра сув тошқини натижасида 600 тадан ортиқ уйларни сув босган. Ҳозирда зарар миқдори аниқланмоқда. Эслатиб ўтамиз, аввалроқ вилоят ҳоким ўринбосари Ўзбекистон томонидан етказилган зарар миқдори ҳақидаги саволга жавоб бера олмаган эди. Ҳоким ўринбосари бу юқори даражада ҳал қилинадиган масала эканини айтган.
Сардобадаги сув тошқини 1 майда сув омборидаги ўпирилиш натижасида содир бўлган.
