ЖСТ вакили коронавирус тарқалишининг янги ўчоғи бўладиган жой ҳақида гапирди. Бу ҳақда ЖСТнинг соғлиқни сақлаш соҳасида фавқулодда ҳолат бўйича дастури директори Майкл Райан Женевадаги брифингда гапирди.
“Янги ўқув йили бошланиши билан мактабларда инфекция тарқалишининг янги тўлқини юзага келиши мумкин”, – дейди Райан.
ЖСТнинг ўрганишлари натижасида бутун дунёда 43 фоиз мактабларда оддий қўлни сув билан совунлаб ювадиган жойнинг ўзи йўқлиги аниқланган.
“Бусиз COVID-19 пандемияси авж олган вақтда мактаб биноларининг хавфсиз ишлашига эришиб бўлмайди. Мактаблар инфекция тақаладиган ҳудудга айланиб қолиши мумкин”, – дея таъкидлади Райан.
Эслатиб ўтамиз, аввалроқ Халқ таълими вазирлиги томонидан Ўзбекистонда янги ўқув йилини бошлашнинг учта варианти ўрганилаётгани айтилган эди.
