Тадқиқотчилар карантин пандемия даврини узайтириши мумкинлигини айтмоқда. Ушбу нуқтаи назар Эдинбург университети тадқиқотчилари томонидан илгари сурилди.
Ўрганишлар давомида карантин пандемия даврини узайтириши мумкин деган хулосага келинди. Университет профессори Грэм Экленднинг фикрича, бу пайтда катта ёшдагиларни ҳимоя қилишга эътиборни кучайтириш керак.
Профессор шунингдек, коронавирусдан вафот этаётганларнинг кўпайиши касалланганларнинг сонига эмас, балки уларнинг ёшига боғлиқлигини айтди. Экленд яқин 6 ой ичида вакцина тарқатилмаса навбатдаги карантин чоралари ҳеч қандай ёрдам бермаслиги мумкин деган фикрни илгари сурди. Профессор катта ёшдагиларга ёрдам бериш ва асраш муҳимлигини таъкидлади.
