Аввалроқ ОАВда Ҳиндистонда номаълум вирус тарқалгани ҳақида маълумот берилган эди. Номаълум касаллик Андхра-Прадеш штатининг Элуру шаҳрида аниқланган.
Бугунги кунда 800 киши шифохонага ётқизилган. Битта фуқаро вафот этган. 500 нафар бемор эса тузалган ва шифохонадан чиққан. Номаълум вируснинг асосий белгилари – кўнгил айниш, тутқаноқ тутиш ва хушидан кетиш ҳолатлари экани айтилмоқда. Ушбу вирусга чалинганларнинг ҳеч бирида коронавирус аниқланмаган ва бу ўз навбатида вируснинг коронавирус билан алоқаси йўқлигини англатади.
Аввалроқ касалликка ифлосланган сув сабаб бўлиши мумкинлиги таҳмин қилинган эди. Лекин бу кейинчалик рад этилди. Тестларнинг дастлабки натижасига кўра беморларнинг организмида свинц, никел ва бошқа оғир металларнинг ҳажми ошиб кетганини кўрсатмоқда. Штатда ЖСТ вакилларини кутишмоқда. Ҳукуматга оппозиция партия фуқаролар оммавий тарзда заҳарланган бўлиши мумкинлигини таҳмин қиляпти ва ушбу ишни синчковлик билан ўрганиш кераклигини талаб қилмоқда.
