Қозоғистонда Рамазон ойининг бошланиш санаси эълон қилинди. Бу ҳақда Қозоғистон мусулмонлари идораси хабар қилди.
Маълум бўлишича, қўшни давлатда Рамазон ойи 2 апрелдан бошланади ва 2 майга қадар давом этади. Қозоғистонда Рамазон ҳайити 2 майда нишонланади.
Идора тарқатган хабарда улар Ўзбекистон ва Қирғизистон муфтиятлари билан келишув асосида ушбу қарорга келганини маълум қилган. Ҳозирча уларнинг ўзбекистонлик ҳамкасблари бу бўйича изоҳ бермади.
