Аввалроқ Сурхондарёда сел келгани ҳақида хабар қилган эдик. Унда чўпон ва қорамолини ҳамда Нексия ва унинг ичида бўлган икки кишини сел оқизиб кетгани маълум қилинган эди. Ҳодисада чўпоннинг ҳаёти сақлаб қолинган эди.
Маълум бўлишича, бугун қидирув қутқарув ишлари натижасида дастлаб Нексия автомобили ва унинг ичида бир кишининг жасади “Тўпаланг” дарёсидан топилган ва иккинчи фуқарони қидириши ишлари давом эттирилган.
ФВВнинг маълум қилишича, орадан бироз вақт ўтгач иккинчи фуқаронинг ҳам жасади топилган. У биринчи мурда топилган ҳудуддан 5 км узоқликдаги масофадан топилгани маълум қилинди. Воқеа жойида масъуллар фаолият олиб бораётгани хабар қилинмоқда.
