Жиззахда коронавирусга чалинган 72 ёшли бемор вафот этди. Бу ҳақда ССВ хабар қилди.
Маълум бўлишича, жиззахлик 72 ёшли фуқаро шу йил 20 июнда карантинга олинган ва 22 июнь куни шифхонага ётқизилган. 25 июнда унда коронавирус аниқланиб, унга “Коронавирус инфекцияси оғир кечиши, чап томонлама бронхопневмония, нафас етишмовчилиги 2-даража” ташхиси, шунингдек, “Юрак ишемик касаллиги, стенокардия, гипертония касаллиги, сурункали юрак етишмовчилиги, қандли диабет оғир кечиши” қўшимча ташхиси ҳам қўйилган.
Унга юқори малакали шифокорлар муолажа қилган. Лекин беморнинг аҳволи ёмонлашиб боравергач реанимацияга олинган. Кўрсатилган ёрдамларга қарамай бемор ўткир миокард инфаркти, ўткир юрак-қон томир ва нафас етишмовчилигидан вафот этган.
Шунингдек, ССВнинг қўшимча қилишича, бемор охирги 10 йил давомида юрак ишемик касаллиги, стенокардия ва қандли диабет ташхиси билан даволаниб юрган.