Тармоқларда эркак мурдаси акс этган видеолавҳа тарқалди. Видеони тақатганлар фуқаро ҳуқуқ тартибот органлари ходимлари томонидан ўлдирилганини айтган.
Бош прокуратура тарқалган видео бўйича расмий баёнот берди. Маълум бўлишича, видеода Тошкент вилояти Янгийўл шаҳридан бўлган 45 ёшли маҳкум Хидиров Фаррух Анваровичнинг мурдаси кўрсатилган. У шу йилнинг 3 июнь куни Навоийдаги 11-сон жазони ижро этиш колониясидан даволаниш учун ИИВ Жазони ижро этиш Бош бошқармасининг Маҳкумлар учун ихтисослаштирилган касалхонасига олиб келиниб, сил касалликлар бўлинмасига ётқизилган. Ушбу маҳкум қилинган муолажаларга қарамай шу йил 18 июнь куни вафот этган.
Хабар қилинишича, Хидиров шу пайтгача 5 марта судланган. Оҳирги марта 2010 йилда қилган жинояти учун 11 йилга кесилган бўлган. У ҳатто ўта хавфли рецидивист деб ҳам топилган.
Маҳкум жуда кучли сурункали касалликлар туфайли ҳаётдан кўз эмган. Шифокорлар мархум маҳкум Ф.Хидиров иккала ўпка яллиғланган сили, сурункали вирусли гепатит (С), ўпка юрак етишмовчилиги ҳамда бошқа бир қатор инсон ҳаёти учун ўта хавфли бўлган касалликларга чалинган бўлиб, уларнинг аксарияти унинг саломатлигига бир мунча аввалроқ жиддий салбий таъсир ўтказиб юборганини маълум қилишган.
Унинг ўлими бўйича прокуратура томонидан текширув олиб борилган. Хидировнинг ўлимида бирор-бир шахснинг ҳаракатларида жиноят аломатлари кузатилмагани учун 26 июнь куни жиноят иши қўзғатишни рад этиш тўғрисида қарор қабул қилинган.
