Яккабоғда ўзига ўт қўйиб юборган аёл вафот этди. Бу ҳақда вилоят прокуратураси хабар қилди.
Маълум бўлишича, туманда яшовчи аёл икки нафар қўшниси билан ер масалласида жанжаллашиб келишган. Шундан сўнг аёлнинг қўшниларидан бири масала бўйича маҳалла раисига мурожаат қилган. Мурожаатдан сўнг маҳалла раиси, “Ермулк-кадастр” ДК Яккабоғ тумани филиали мутахассиси ва туман ИИБ ходими келиб жанжал иштирокчиларидан ерга оид ҳужжатларни сўрашганида аёл уйига кириб устига бензин сепиб чиқиб, ўзига ўт қўйиб юборган. Ҳолатдан кейин аёл шифохонага ётқизилган.
Аёлнинг 96 фоиз танаси куйганлиги ва куйиш III-IV даражали кўринишида эканлиги аниқланган. Унга шифокорлар керакли муолажаларни қилганига қарамай, аёл шу йил 27 июнда вафот этган. Ҳозирда ҳодиса бўйича ЖКнинг 103-моддаси 1-қисми билан жиноят иши қўзғатилган.
