Тошкентда коронавирусга чалинган 71 ёшли онахон вафот этди. Бу ҳақда ССВ хабар қилди.
Маълум бўлишича, пойтахтнинг Шайхонтоҳур туманида яшовчи 71 ёшли онахон шу йил 30 июнь куни коронавирсга чалингани сабаб реанимацияга олинган. Унга юрак ишемик касаллиги, гипертония, стенокардия, қандли диабет, сурункали буйрак етишмовчилиги, икки томонлама пневмония оғир кечиши, ўткир нафас етишмовчилиги ташхиси қўйилган. Шифохонада беморга юқори малакали шифокорлар керакли муолажаларга қилганига қарамай онахон ўткир юрак-қон томир ва ўпка етишмовчилигидан вафот этди.
ССВнинг қўшимча қилишича, онахон охирги 10 йил давомида юрак ишемик касаллиги, гипертония, стенокардия, қандли диабет, сурункали буйрак етишмовчилиги ташхиси билан даволаниб юрган. Сўнгги бир ой ичида эса режали гемодиализ муолажаларини олишни бошлаган.
