“Uz Auto Motors”га ишга олиб кириш учун 3700 доллар олган андижонлик фуқаро ушланди. Бу ҳақда ИИВ Тергов департаменти хабар қилди.
Маълум бўлишича, асакалик 38 ёшли эркак 49 ёшли танишининг ўғли ва жиянини 3700 долларга “Uz Auto Motors” АЖга ишга жойлаб беришни ваъда қилган. Эркак сўраган пулларни олиб ўз эҳтиёжи йўлида ишлатиб юборган ва берган ваъдасини бажармаган. Ушбу ҳолатдан кейин ҳуқуқ тартибот органлари томонидан 38 ёшли эркакка нисбатан ЖКнинг 168-моддаси 3-қисми «б» (фирибгарлик) банди билан жиноят иши қўзғатилган.
Ҳозирда тергов ҳаракатлари олиб борилмоқда.
