ИИВ подполковниги ва Тошкент шаҳар ИИББ майори коронавирусдан вафот этгани айтилмоқда. Бу ҳақда Репост нашри хабар қилди.
Маълум бўлишича, шу йил 13 июль куни Тошкент шаҳар ИИББ Ахборот технологиялари, алоқа ва ахборотни ҳимоялаш бўлими бошлиғи ўринбосари майор Шамахмудов Аълохон Абзалович 36 ёшида вафот этган.
14 июлда эса ИИВ Миграция ва фуқароликни расмийлаштириш бош бошқармаси бўлими бошлиғи подполковник Нафасов Шавкат Насирович 48 ёшида вафот этган.
"Ички ишлар вазирлиги раҳбарияти ва шахсий таркиби майор Шамахмудов Аълохон Абзалович ва подполковник Нафасов Шавкат Насировичнинг вафоти муносабати билан марҳумларнинг қариндош ва яқинларига чуқур таъзия изҳор этади", - дейилади вазирлик ахборотида.
Нашрнинг хабар қилишича, Соғлиқни сақлаш вазирлиги ўлим ҳолатига изоҳ бермаган.
