Қашқадарёда руҳий касаллар шифохонаси даволанувчилари мажбурий меҳнатга жалб этилмоқда. Бу ҳақда Зўр ТВ канали хабар қилди.
Маҳаллий фуқаролардан бири уриб ва мажбурлаб ишлатилаётган беморларнинг бирини видеога олиб, тармоқларда уни тарқатиб юборган. Беморларнинг бири дам олишни хоҳлакагани учун бошига уришгани ҳақида айтиб берди, иккинчиси эса оёғидаги жароҳатни кўрсатган.
"Улар оч аҳволда. Уларни ишлашга мажбурлашяпти. Улар мени кўришганда уйларига олиб боришларини сўради. Қаерда турасизлар деб сўрасам шифо[онада деб жавоб беришди. Улар дарёдан сув ичишга мажбур. Сув ифлос. Қаҳрамон исмли эркак уларни бу ерга олиб келган ва ишлашга мажбурламоқда", - деди видео муаллифи.
Телеканалнинг маълум қилишича, беморлар Китоб туманида мажбурланган. Ҳозирча масъуллар вазиятга изоҳ беришмади.
[media=https://www.instagram.com/tv/CCs52bPh4nS/?utm_source=ig_web_copy_link]
