Бугун ижтимоий тармоқларда ўзини пайғамбар деб эълон қилган шахснинг видеолавҳаси тарқалди.
Видеода эркак коронавирус касаллигининг йўқолиши унга боғлиқ экани ҳақида айтиб, ўзини Хитойдаги ўлим масканига бориши кераклиги ва шунингдек президент билан учрашиши зарурлигини айтган эди.
Самарқанд вилояти ИИБнинг хабар қилишича, ушбу эркак 1962 йилда тғуилган ва ҳақиқатдан ҳам Самарқандда яшайди. Видеодаги шахс 1980-1982 йилларда Афғонистондаги фуқаролик урушида ҳарбий хизматни ўтаган ва ўша ерда бош қисмидан жароҳат олиб, бош мия контузияси касаллиги билан даволанган.
Эркакни ҳозирда руҳий касаллар шифокори кўригидан ўтказиш чоралари кўрилмоқда.