Сардобада талофатдан зарар кўрганлар учун ажратилган 53 млн сўмлик маҳсулотлар сотиб юборилди. Бу ҳақда Бош прокуратура хабар қилди.
Маълум бўлишича, Сардобадаги 21-сонли мактабга эвакуация қилинган аҳолига ноозиқ-овқат маҳсулотларини олиб келаман деб, фуқаро М.Ж. Сардоба туман Қизил ярим ой жамияти раҳбари номидан сохта ҳужжат тайёрлаб, махсус омбордан 53 млн сўмлик маҳсулотларни олиб чиқиб, номаълум шахсларга сотиб юборган.
Ушбу ҳолат бўйича ҳозирда ҳуқуқшунос-маслаҳатчиси З.Я.га нисбатан ЖКнинг тегишли моддаси билан жиноий иш қўзғатилган. Тергов ҳаракатлари олиб борилмоқда.
