Маълум бўлишича, «Хоразм ҳудудий электр тармоқлари» АЖ раҳбари Муродбой Базаримбетов ўртага одам қўйиб, у орқали тадбиркордан 20 минг доллар (кейин у пул 15 минг долларгача тушган) ундурмоқчи бўлган. Раҳбар ушбу пуллар эвазига ёнилғи қуйиш шохобчасини электр тармоғига улаб бермоқчи бўлган. Тадбиркор ушбу ҳолатдан сўнг Урганч шаҳар халқ депутатлари кенгаши депутатига мурожаат қилган. Депутат эса ўз навбатида ҳуқуқ тартибот органларига бу ҳақида айтган. Ходимлар шундан сўнг ўртада турган одамдан раҳбарни қўлга олишда ҳамкорликка кўндирган. Ўртадаги одам 24 декабрда келишилган пулларни олиб кириб берган. Бу орада эса уни ҳуқуқни муҳофаза қилувчи ходимлар ушлаган. Манбанинг маълум қилишича, ўртадаги шахс ва раҳбар ўртасидаги мулоқот ҳам ёзиб олинган бўлган. Унда раҳбар,
«Пулнинг ҳаммасини бердими? Ҳаммасини олдингми? Мана бу тумбочкага қўй», – деб айтган.
Айни вақтда раҳбар ҳибсда экани айтилмоқда.