Ижтимоий тармоқларда Қарши давлат университети ўқитувчиси талабага мушт туширган видео тарқалди.
Университет матбуот хизмати бу бўйича изоҳ берди. Маълум бўлишича, ҳодиса шу йил 14 март куни содир бўлган. Математика ва информатика факультети талабаси дарсга лоқайдлик билан қарагани учун ўқитувчи унга бир неча бор танбеҳ берган. Ушбу ҳолат қайтарилавергач ўқитувчи жаҳли чиқиб, урган.
Университет раҳбарияти ушбу ҳолатни назоратга олгани маълум қилинди.
