Ўзбекистоннинг Франкфурт-Майндаги Бош консулхонасига “Work and Travel” дастури бўйича Германияга келган, иш билан боғлиқ муаммолар ва йетарли молиявий ресурслар йўқлиги сабабли Мюнхендаги марказий вокзалда тунашга мажбур бўлган Ўзбекистон фуқаролари ҳақида маълумот келиб тушди.
Ўзбекистоннинг “Turon World konsalting” компанияси маълумотига кўра, ушбу ташкилот 98 нафар Ўзбекистон фуқароларини “Work and Travel” дастури бўйича Германияга мавсумий ишларга жўнатган.
Ўзбек дипломатлари “Ҳумо” ўзбек-немис маданий жамияти фаоллари билан биргаликда воқеа жойига зудлик билан йетиб бордилар ва Ўзбекистонлик ватандошлар билан ҳамкорликда 35 нафар Ўзбекистон фуқароларига ушбу ҳудудда вақтинча яшашлари учун зарур ёрдам кўрсатдилар.
Ўзбекистоннинг Берлиндаги елчихонаси ва Франкфурт-Майндаги Бош консулхонаси вазиятни назоратга олдилар. Ваколатли органлар билан ҳамкорликда мазкур муаммони бартараф етиш чоралари кўрилмоқда.
