Ижтимоий тармоқларда ўзбек шоу-бизнеси вакили томонидан хунук хатти-ҳаракатлар амалга оширилган яна бир видео тарқалди. Видео телеграм каналларда эълон қилинди.
Видеода актер Йигитали Мамажонов сериални суратга олиш жараёнида режиссернинг юзига тарсаки урганини кўриш мумкин. Мавжуд маълумотларга кўра, ҳодиса “Иккинчи хотин” номли сериални суратга олиш жараёнида юз берган.
Маълумот ўрнида айтиш мумкинки, Мамажонов хонанда Райҳон билан турмуш қургандан сўнг машҳурликка эришди. Улар 2012 йилда оила қурган. Райҳон 2014 йилда иккита фарзандни дунёга келтирди. Улар 2015 йилда ажрашди. 2019 йил июнда Райҳон ва Йигитали Инстаграмда омма олдида жанжаллашди. Райҳон Йигиталини фарзандларга нисбатан бефарқликда айблади. Йигитали эса ўз навбатида Райҳон сабабли фарзандлари билан кўриша олмаётганини айтган.
