“Мен у ерда яшаганман ва уларнинг (чеченларнинг) урф-одатини ўрганганман. Ўзбеклар аҳолиси 30 млн (2020 йил июл ойидаги маълумот: Ўзбекистон аҳолиси 34 миллион 191 минг 700 киши - таҳр.), чеченлар эса максимум дунё бўйича 3 млн. Москвада мен яшаган пайтда 5 млн.га яқин ўзбеклар яшарди, чеченлар эса 100-200 минг нафар. Лекин қанақадир “ишкал” бўлиб қолса мана шу чеченларнинг 100 мингтаси келади. Ўзбеклардан эса 100 таси ҳам келмайди. Нима учун чеченлардан ҳамма қўрқади? Чунки улар бирлашади”, – дейди хонанда.
Шу ўринда хонанда Санжай Амир Темурнинг “Куч бирликда” деб айтган иборасини эслаб, бугунги кунда унга амал қилинмаётганини таъкидлади.
“Қачонки биз бирлашсак Ўзбекистон аҳолиси ҳеч қачон Россияга бориб қора иш қилмайди”, – дея қўшимча қилди хонанда.
У, шунингдек, яқинда ижод қилиш учун Россияга кетишини, бу ерда унга ижод қилишга беришмаётганини айтиб ўтди.
