Зўравонликка учраётган қиз ҳақидаги аноним мурожаат ёлғон бўлиб чиқди

Зўравонликка учраётган қиз ҳақидаги аноним мурожаат ёлғон бўлиб чиқди
Омбудсманга Наманган вилояти Поп туманида яшовчи бир қизга нисбатан тазйиқ ва зўравонлик бўлаётгани ҳақида аноним мурожаат келиб тушди.

“Олий Мажлиснинг Инсон ҳуқуқлари бўйича вакили (омбудсман) тўғрисида”ги қонуннинг 10-моддасида аноним мурожаатлар Вакил томонидан кўриб чиқилмаслиги белгиланган. Лекин ушбу мурожаатда зўравонлик ҳолати келтирилгани сабабли у Омбудсман ташаббусига кўра воқеа жойига чиқиб ўрганилди.

Омбудсманнинг Наманган вилоятидаги минтақавий вакили мурожаатда кўрсатилган манзилга Поп тумани “Олмазор” МФЙдаги хотин-қизлар фаоли М.Мавжутова, ИИБ ҳудуд профилактика катта инспектори билан бирга борганида ушбу хонадонда 2-гуруҳ ногирони бўлган Э.Ў. исмли қиз яшаши аниқланди.

Аноним мурожаатда зўравонликка учраётгани баён этилган ушбу қизнинг руҳий ҳасталиги ва қулоғи яхши эшитмаслиги сабабли оила аъзолари унга баланд овозда гапириши маълум бўлди. Қиз билан холи суҳбатлашилганда ҳам унга нисбатан ҳеч қандай тазйиқ, жисмоний ва руҳий зўравонлик бўлмагани қайд этилди.

Мурожаатни ўрганиш давомида 2-гуруҳ ногирони бўлишига қарамай, Э.Ў. туман поликлиникаси томонидан ҳеч қандай тиббий кўрикдан ўтказилмагани аниқланди. Шу куннинг ўзида тиббий кўрик ташкил этилиб, Э.Ў. ва онасининг саломатлиги текширилди.

Ўрганиш давомида қизнинг онаси билан ҳам суҳбат ўтказилиб, тегишли тавсиялар берилди.

Ҳозир Э.Ў.нинг саломатлиги назоратга олинган. МФЙ мутасаддилари, ИИБ профилактика инспектори, Поп тумани ногиронлар жамияти вакиллари доимий равишда унинг ҳолидан хабар олиб турилиши йўлга қўйилди.

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университетида “ХХI аср психологияси: муаммолар, ютуқлар, инновациялар” мавзусида халқаро конференция ўтказилди…

Халқаро психология фанлари академияси билан ҳамкорликда ўтказилган анжуманда Россия, Қозоғистон, Белоруссия, Озарбайжон давлатларидан 30 га...
16-03-2024, 08:15

Россиялик машҳур физик олим Самарқанд давлат университетида бўлди…

Самарқанд давлат университетига Россия Фанлар академиясининг академиги Владислав Хомич ташриф буюрди. Машҳур физик олим билан Самарқанд...
15-03-2024, 08:13

Самарқанд давлат университети Италиянинг Саленто университети билан ҳамкорлик қилади

Самарқанд давлат университетига Италиянинг Саленто университети ректори Фабио Поллисе бошчилигидаги делегация ташриф буюрди. Мартабали...
14-03-2024, 08:11

Ҳиндистонлик профессор Самарқанд давлат университетида фаолият кўрсатмоқда…

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов ҳиндистонлик...
10-03-2024, 08:09

“Сиз борки, бу ҳаёт бор”…

Самарқанд давлат университетида 8 март - Халқаро хотин-қизлар куни муносабати билан байрам тадбири бўлиб ўтди. Тадбирни Самарқанд давлат...
7-03-2024, 08:06
Ўзбекистон янгиликлари » Жамият » Зўравонликка учраётган қиз ҳақидаги аноним мурожаат ёлғон бўлиб чиқди