Элдор Шомуродов янги жамоасида илк машғулотини ўтказди. Бу ҳақда Италия клубининг матбуот хизмати хабар қилди.
Ўзбекистон миллий терма жамоаси ҳужумчиси Женоа билан шартнома тузгандан сўнг илк машғулотини ўтказди. Аввалроқ Шомуродов жамоадошлари орасида коронавирус тарқалгани сабабли улар билан суҳбатлаша олмаётган эди.
19 октябрда Женоа Верона клубига қарши тўп суради. Шомуродов айнан ушбу ўйинда илк марта Женоа либосида ҳаракат қилиши кутилмоқда.
