Сўнгги ойларда Ўзбекистонда спортга бағишланган ОАВларда футбол бўйича Ўзбекистон миллий терма жамоаси бош мураббийи фаолиятини қораловчи кампания авж олмоқда. Кўплаб ОАВда Вадим Абрамов ўзига юклатилган вазифани бажара олмаётгани ёзилмоқда.
Ушбу ойда бизнинг терма жамоамиз Сурия ҳамда Ироқ терма жамоаларига қарши ўртоқлик учрашувини ўтказди. Иккита ўйинда ҳам бош мураббий ёш футболчиларни синаб кўрди. Натижада жамоа рақибларни мағлуб эта олмади.
Спорт ОАВларида Абрамов клуб фойдасига (у шунингдек Бунёдкор клуби бош мураббийи ҳисобланади) ёки терма жамоа фойдасига танлов қилиши кераклигини ёзмоқда. Спорт журналистларининг фикрича, бош мураббий кейинчалик футболчиларни хориж клубларига ўтказиш учун атайин терма жамоа ўйинларига Бунёдкор футболчиларини чақирмоқда.
Футболчиларнинг кайфиятидан қораловчи кампания терма жамоа фойдасига ишламаётганини кўриш мумкин. Бундан ташқари, журналистлар Абрамов Бунёдкор ўйинчиларини яхши томондан кўрсатишга урунаётганини исботловчи фактлар келтирмаяпти.
Таъкидлаш жоиз, бизнинг терма жамоамиз айнан Абрамов мураббийлик қилган вақтда тарихда энг яхши натижасини қайд этган. 2011 йилда терма жамоа Осиё чемпионатида 4-ўринни қўлга киритган. Шунингдек, бош мураббийликка Абрамов қайтарилгач жамоа ЖЧга чиқиш учун гуруҳдаги ҳолатини яхшилаб олди.
