Маълум бўлишича, кечаги «Нефтчи» ва «Турон» жамоалари ўртасида бўлиб ўтган ўйиндан сўнг ҳакамни акробатик усулда тепган ўйинчининг ким экани аниқланган. У иккинчи бўлимнинг ўрталарида майдонга тушган, 98-рақамдаги Жамшид Тўрақулов экани маълум қилинди. Ҳозирда ўша ўйиндан сўнг тартибсизликда қатнашган 8 нафар фуқаро қўлга олинган. Улар орасида «Нефтчи» футболчилари йўқлиги айтилмоқда. Чунки жамоа ўйиндан сўнг тўлиқ таркибда автобусда жўнаб кетган.
Ҳуқуқни муҳофаза қилувчи органлар ҳодисада айбдор бўлганларнинг барчаси жазоланишини маълум қилди. Шунингдек, ҳакамларда ташқи жароҳатлар аниқланмаган бўлсада, улар экспертиза учун текширилиши билдирилди. Лекин хабарларда қанот ҳакамларидан бирининг боши ёрилгани айтилмоқда.
